Suai, 28 Marsu 2015 – Klibur Alumni Eskola Sekundária Ave Maria Suai (KA-ESCAM) halo semináriu ho tema tolu ba estudante atuál ESCAM.

Tema semináriu nee mak kona bá Vantajen no Dezvantajen Informasaun Komunikasaun Teknolojia (ICT), Lala’ok Tama Universidade, no Pre-dezeñu lokalizasaun ESCAM.

Entretantu, tema vantajen no dezvantajen ICT oradór mak Sr. Armindo, alumni 2002, lala’ok tama universidade lori hosi alumni Sr. Francisco, no mós pre-dezeñu aprezenta hosi alumni Sr. Afonso.

Iha eventu nee hetan partisipasaun maxima hosi estudante atuál ESCAM no partisipa mós profesór ESCAM sira.

Inspektór ESCAM nian Padre Parókia Igreja Suai ne’ebé partisipa iha eventu nee orgullu tebes ho partisipasaun alumni ESCAM nian hodi organiza semináriu ida nee, nia hateten liu tan katak atividade hanesan nee nia espera sei la para ba nee ninin ba nee mais komesa hosi nee la’o ba oin nafatin.

KA-ESCAM forma iha loron 2 fulan Janeiru tinan 2015 hodi halibur fila fali alumni sira ne’ebé namkari lemorai. 

View All Members(21)