Suai, 02 Janeiru 2015 - Escola Secundaria Catolica Ave Maria (ESCAM), organiza forum hanoin lisuk ba futuru ESCAM/SMAK Suai.

Forum nee partisipa hosi alumni ESCAM nain neen nulu resin e mos hetan apoiu maka’as hosi estrutura e professore ESCAM sira, sorumutu nee mos hetan apoiu financeiru hosi alumni sira ho montante hamutuk $250.

Iha sorumutu nebe komesa hosi 10.30 OTL too 16:00OTL konsege forma alumni ESCAM liu hosi debates e eleisaun demokratiku, hamosu naran “Klibur Alumni Escola Secundaria Catolica Ave Maria” ho akronim “KA-ESCAM”.

KA-ESCAM hetan votu maioria atu sai naran nebe halibur alumni ESCAM sira no KA-ESCAM hili mos nia matadalan ema nain neen. Sira nain neen mak sei konduz KA-ESCAM ba oin ho aktvidades oi-oin. Iha tempu badak sira nain neen sei hetan tomada de posse hamutuk ho konselu estudante ESCAM (CA-ESCAM)/OSIS.

View All Members(21)